wisal stuido
مىڭ خورلۇقتىن بىر ئۆلۈم ئەۋزەل - (نامرات ئوقۇغۇچى خورلۇق سەۋەبىدىن ياتاقداشلىرىنى ئۆلتۈرۈۋەتكەن)

مىڭ خورلۇقتىن بىر ئۆلۈم ئەۋزەل 
(نامرات ئوقۇغۇچى خورلۇق سەۋەبىدىن ياتاقداشلىرىنى ئۆلتۈرۈۋەتكەن)

كۆپچىلىكىنىڭ ئەستايدىلىق بىلەن ئوقۇپ بېقىشىنى ئۈمىد قىلىمىز،ھەمدە مۇنۇ مەزمۇنلار توغرسىدا ئويلىنىشىنى ئۈمىد قىلمىز.

1.ماجاجۆ مەملىكەتلىك ئولىمپىك فىزىكا مۇسابىقىسىدە ئىككىنچى دەرىجىلىك مۇكاپاتقا ئېرىشكەن.

2.ماجاجۆنىڭ ياتاقداشلىرى ئۇ ئۇخلاپ قالغاندا ئۇنىڭ يۈزىگە كىچىك تەرەت قىلىۋەتكەن.

3.قىش پەسلىنىڭ سوغاق بولغان كۈنىدە ياتاقداشلىرى ئۇنىڭغا بىر يۈەندىن ئىككى يۈەنگىچە پۇل بېرىپ كىيىم-كېچەكلىرىنى يۇيدۇرغان،ئۇنىڭ پۇلى بولمىغاچقا ئامالسىز يۇيۇشقا مەجبۇرى بۇلغان.

4.ئۇنىڭ تۈرمىدە كەيىگەن تۈرمە كىيىمى بولسا ئۇنىڭ بۇ ئۆمىرىدە كىيىگەن ئەڭ ياخشى كىيىمى.ئۇنىڭ دېيىشچە:《بۇ مەن ھاياتىمدا كىيگەن ئەڭ ياخشى كىيىم》.ئۇنىڭ بۇ گېپىنى ئاڭلاپ ئۇنى ياللاپ ماڭغان ساقچىلارمۇ يىغلاپ كەتكەن.

5.ئۇنىڭ كيىدىغانغا كىيىم-كېچىكى يوق،ئوقۇش ياردەم پۇلى تارقىتىلمىغان بىر نەچچە كۈندە ئۇ يالاڭ ئاياغ يۈرگەن، دەرسكە كىرمەسلىككە مەجبۇرى بولغان.

6.ئۇنىڭ ئائىلىسدىكىلەر باشقىلارنى كىيىم-كېچەكلىرىنى تىكىپ ياماش ئارقىلىق كۈن كەچۈرىدۇ. ئۇنىڭ ئاپسى 100 يۈەن تېپىش ئۈچۈن 200 كىيىم كېچەكنى تىكىپ يامىشى كېرەك.

7.ئۇنىڭ بىر يىللىق ئوقۇش پۇلى 5000 يۈەن، ئۇ بۇنى يىراق جايدىكى يۇرتىدىن قەرز ئالغان.

8.ئۇ ئەرز قىلىشىنى رەت قىلدى، ۋە تۆت نەپەر ھەقسىز تەكلىپ قىلىنغان ئادۋوكاتلارنى رەت قىلدى، ۋە باشتىن ئاخىرى ئۆلۈم جازاسى بېرىلىشىنى تەلەپ قىلدى.

9.ئالىي مەكتەپتە ئوقۇش ئۈچۈن ئۇ ئاللىقاچان 10 مىڭ يۈەن قەرزگە بوغۇلغان ئىدى، ئۇ ئۆزىنىڭ تۇرمۇشىنى قۇرۇلۇش ئىشلەش ئارقىلىق قامدايتتى.

ئۇنىڭ ئۆلۈم جازاسىغا ئېلىپ بېرىلىشىنىڭ ئالدىدا يازغان خېتى:
چۈنچېىڭ شەھىرىنىڭ كۆز پەسلىدە يامغۇر كۆپ ياغىدۇ ۋە دائىم قاتتىق سوغۇق شامال چىقىدۇ، مەن دائىم داتلىشىپ كەتكەن دېرىزىدىن سىرتقا قاراپ ئۆزلىرىنىڭ بالىلىرىنى ئوقۇتۇش ئۈچۈن يۈرەك قېنىنى سەرپ قىلغان ئاتا-ئانامنى ئەسلەيمەن. ئۇ ئىككىسى ئەتىگەن تۇرۇپ كەچ قايتىپ ئېتىزلىقتا جاپالىق ئىشلەيدۇ، ۋە ئۆيگە قايتىپ كەلگەندىن كېيىن شام يېقىپ قۇيۇپ بىر كىيىمنى 0.5 يۈەنگە تىكىدۇ...........
ئۇ چاغدا مەن ئانام بەرگەن 100 يۈەن پۇلىنى قەتئىي ئالمىدىم، مەن ناھايىتى بىئارام بولغان ھالدا ئانامغا دېدىم:《بۇ پۇل سەن 200 كىيىمنى تىكىپ تاپقان پۇل تۇرسا》 مەن ئانامنىڭ كۆزىگە قارىدىم، ھەمدە ئۇنىڭ جاپا مۇشەققەت ئىچىدە تاپقان يۈز يۈەن پۇلىنى قايتۇرۇپ بەردىم، ئۇنىڭغا ناھايىتى يېقىملىق كۈلۈمسىرىدىم. مەن ئانامنىڭ مەكتەپتە تارتقان جاپايىمنى بىلىشىنى قەتئىي خالىمايتتىم، ھەمدە ئالىي مەكتەپتە ئوقۇۋاتقان بىر نەچچە يىل جەريانىدا ئۆيدىن بىرەر سىنىتمۇ پۇل ئېلىپ باقمىدىم، مەن ئاتا-ئانامنىڭ مەن ئۈچۈن جاپا مۇشەققەت تارتىشىنى خالىمايتتىم.
ئۇلار ياشقا چوڭ بولۇپ قالدى، بىر ئۆمۈر جاپا مۇشەققەت تارتتى، قانداق قىلىپ يەنە ئۇلارغا جاپا سالاي، ئەمما ئوقۇش پۇلى بەكمۇ يۇقىرى، شۇنىڭ ئۈچۈن مەن ئۆزۈم بېرىپ كۈچ چىقىرىپ تېپىشىم كېرەك، بۇنىڭ ئۈچۈن دەرسكە دەخلى يېتىشىنىڭ كارايىتى چاغلىق. مەن بىر ئۆزۈم ناھايىتى جاپالىق قۇرۇلۇش ئىشلىدىم، ھەمدە ئوغرىلىقچە كۈنۈمگە ئىككى دانە موما يېدىم. قىش پەسلى مەن ھەقىقەتەن سوغۇقتىن قورقاتتىم، چۈنكى مەن ئۆزۈم جەنۇبلۇق، شۇنداق بولسىمۇ مەن پۈتۈن قىش پەسلى ئىسسىق سۇ ئۈچۈن ئىشلىتىلىدىغان پۇلىنى تېجەپ، سوغۇق قىش پەسلى سوغۇق سۇدا يۇيۇندۇم، مەن سوغۇقتىن تىترەپ كەتكىنىمدىن ساۋاقداشلىرىمغا كۈلۈپ قاراپ بىز دېگەن ياش ھېچنېمە بولمايدۇ دەپلا قۇتۇلدۇم.
ئۇ كۈنى مېنىڭ كىيگۈدەك ئايىغىم يوق ئىدى، مەن ئامالسىزلىقتىن دەرسكە بارالمىدىم، ھەتتا مەكتەپ تارقىتىپ بېرىدىغان قۇتقۇزۇش پۇلى بېرىلگەنگە قەدەر مەن ئامالسىز قالدىم. مېنىڭ ئائىلەم ئەزەلدىن ناھايىتى نامرات، مەن ناھايىتى نامراتلىق يوقسۇزلۇق ئىچىدە چوڭ بولدۇم، مەن كىچىك ۋاقتىمدىن تارتىپ جاپانىڭ قەدىرنى تېتىپ يەتكەنلىكىم ئۈچۈن، كىچىكىمدىن تارتىپ ئاتا-ئانامغا جاپا سالمايمەن دېگەن بىر قەيسەر روھ ئىچىدە چوڭ بولدۇم، دائىم ئويلايدىغىنىم بولسا ئاتا-ئانامنىڭ ئازراق بولسىمۇ يۈكىنى يەڭگىللىتىش بولدى، مەن ئۆز-ئۆزۈمگە دائىم:《ئاپا دادا سىلەر جاپا تارتىڭلار، مەن تاماق ئەتتىم، تىز كېلىپ يەڭلار!》دېگۈم كېلەتتى. مەن باشتىن-ئاخىر تىرىشىپ ئۆگەندىم، يېزىدىكى باشلانغۇچ ۋە ئوتتۇرا مەكتەپتىكى ئوقۇتقۇچىلىرىممۇ مېنىڭ ناھايىتى جاپادا چوڭ بولغانلىقىمنى، ناھايىتى ياۋاش ئىكەنلىكىمنى بىلەتتى. مەن ئوتتۇرا مەكتەپتە مەملىكەتلىك ئولىمپىك فىزىكا مۇكاپاتىغا ئېرىشتىم، ھەمدە تۇلۇق ئوتتۇرىغا چىقىپ دائىم باشقىلار تەرىپىدىن مەسخىرە قىلىنغاچقىمۇ بىر خىل ئۈمىدسىزلىك ئىچىدە ياشاپ كەلدىم. ئەمما ئالىي مەكتەپ ئىمتىھانغا بىر ئاي يېقىن قالغان ۋاقىتتا مېنىڭ ھەر تەرەپتىكى بېسىمىم داۋاملىق ئېشىپ ماڭدى، يەنى مەندەك بىر نامرات بىر ئوقۇغۇچى ناھايىتى ئەلا بولغان نەتىجىگە ئېرىشتىم، مېنىڭ ئالىي مەكتەپ ئىمتىھانىدىكى نەتىجەم پۈتۈن گۇاڭشى ئۆلكىسىدىكى ئوخشاش يىلدىكى بالىلارنىڭ ئوتتۇرىچە نومۇردىن 50 نومۇر يۇقىرى بولدى. مېنىڭ داڭلىق ئۇنىۋېرسىتېتنى تاللاپ ئوقۇغۇم بار ئىدى، يەنى ۋۇخەن ئۇنىۋېرسىتېتى، خاربىن سانائەت ئۇنىۋېرسىتېتى بولسا مېنىڭ نىشانىم ئىدى، ئەمما ئۇ جاي مېنىڭ ئائىلەمگە ناھايىتى يىراق، شۇنداقلا ئوقۇش پۇلىمۇ بىر قەدەر يۇقىرى، شۇنىڭ ئۈچۈن،مەن ئوقۇش پۇلى بىر قەدەر تۆۋەن ئۆيۈمگە يېقىن بولغان يۈننەن ئۇنىۋېرسىتېتنى تاللاشقا مەجبۇرى بولدۇم. لېكىن بۇ چاغدا مەن ناھايىتى ئۈمىدكە تولغان ئىدىم، بىر ئاددىي نامرات دېھقاننىڭ بالىسى يۈننەن ئۈنۋېرسىتېتىگە كىرىپ ئوقۇيالىدى. مەن ھەر دائىم رەئىس ماۋزېدۇڭ يېزىپ بەرگەن 《يۈننەن ئۇنىۋېرسىتېتى》 دېگەن خەتنى كۆرگەندە ئىچ-ئىچىمدىن خۇشال بولۇپ كېتەتتىم.
تىرىشىپ ئۈزلۈكسىز ياخشى ئوقۇش، ئۆز كەسپىمنى ياخشى پۈتتۈرۈش، ياخشى خىزمەت تېپىپ ئاتا-ئانامغا جاۋاب قايتۇرۇش، نامراتلىق تەقدىرىمنى ئۆزگەرتىش، جەمئىيەت ۋە دۆلەت ئۈچۈن تۆھپە قوشۇش، ئۆزۈمىنى ھۆرمەت قىلغان ئادەمنى چوقۇم ھۆرمەت قىلىش، تۆھپە قوشۇش بولسا مېنىڭ كىشىلىك ئۆگىنىش نىشانىم ئىدى. ئەمما مەن ئالىي مەكتەپكە كىرىپ نۇرغۇن ئىشلارنى بايقاپ قالدىم، كۆپ قىسىم كىشىلەر بولسا ئۆگىنىش قىلىشىنى ياخشى كۆرمەيتتى، ھەر كۈنى كەچتە قىزلارنىڭ پاراڭلىرىنى قىلاتتى، قايسى قىز ناھايىتى چىرايلىق، قايسى قىز جەزبىدار قاتارلىق تېمىلار بولسا ئۇلارنىڭ قىلىشىدىغان ئاساسى تېمىسى بولۇپ قالاتتى.
بىر قىسىم پۇلى بار ئوقۇغۇچىلار ھېچ تەپ تارتماستىنلا قىز دوستلىرىنى تەكلىپ قىلىپ مەكتەپ ئەتراپىدىن ئۆي ئىجارە ئېلىپ تۇراتتى، كۆپ قىسىم ئوقۇغۇچىلار ئويۇن ئويناتتى، ھەتتا مېنى سەھرالىق نامرات دەپ پەس كۆرۈشى بولسا ئۇلارنىڭ ئاساسى ئويۇنلىرىنىڭ بىرسى ئىدى.
ئۇنى قىلىپ، بۇنى قىلىپ ئەڭ ئاخىرى مەنمۇ ساۋاقداشلىرىم بىلەن ياخشى مۇناسىۋەت ئورنىتىش ئۈچۈن كومپيۇتېر ئويۇنى ئويناشنى ئۆگەندىم، ھەتتا ئويناش جەھەتتە ئۇلارنى خېلىلا بېسىپ چۈشتۈم، ھەمدە ئۆزۈم قۇرۇلۇش ئىشلەپ تاپقان ئازغىنە پۇلۇمغا بىر دانە كونا كومپيۇتېر سېتىۋالدىم. مەن ناھايىتى مەرد، شۇنىڭ ئۈچۈن ساۋاقداشلىرىم خالىغانچە كېلىپ مېنىڭ كومپىيۇتىرىمىنى ئوينايتتى، مەن ئۇلار بىلەن ئىناق ئۆتۈشنى بەكمۇ ئارزۇ قىلاتتىم، ۋاقىتمۇ ناھايىتى تىز ئۆتۈپ كەتتى. مەن ھەر قايسى يازلىق ۋە قىشلىق تەتىللەردىمۇ ئۆيۈمگە قايتمىدىم، ھەمدە كۈنمىڭدە قېلىپ پۇل يىغدىم. مەن ھەر قېتىم ئاتا-ئانامغا خەت يازغاندا ئۇلارغا مۇنداق تەسەللى بېرەتتىم:《ئاپا دادا مەن يۈننەن ئۇنىۋېرسىتېتىدا ناھايىتى ياخشى تۇرۇۋاتىمەن، مۇئەللىمىم مېنى ھەر دائىم ئۆيىگە تاماققا تەكلىپ قىلىدۇ》 دېگەندەك يالغان گەپلەرنى قىلىش ئارقىلىق ئۇلارنىڭ كۆڭلىنى بەزلەيتتىم. مەن بەزدى چاغلاردا پەقەت پۇلۇم قالمىغان چاغدا بىر قاچا تاماقنى ئىككى كۈن يېدىم، ھەر دائىم كۈندە ئىككى موما يەيتتىم. شۇنداق بولسىمۇ مەن ناھايىتى ئىرادىلىك ئىدىم، ھەتتا ئۆز-ئۆزۈمگە:《مەن ئۆزۈمدىن پەخىرلىنىمەن، مەن ئاتا-ئانامغا يۈز كېلەلەيمەن، مەن ئۆز-ئۆزۈمگە يۈز كېلەلەيمەن》 دەپ رىغبەتلەندۈرەتتىم.
ئەمما ھەر دائىم ئۇ بىر قىسىم ساۋاقداشلار ھېچ مەقسەتسىزلا مېنى مازاق قىلاتتى، بەزى ۋاقىتتا ئۇلارنىڭ دېگەن سۆزلىرى ئىچ-ئىچىمدىن ئۆتۈپ كېتەتتى. ئۇلارنىڭ قارىشىچە مېنىڭ كىيىنىشىم ناھايىتى غەلىتە بولغاچقىمۇ ئۇلار مېنى كۆزگە ئىلمايتتى. مەن قۇرۇلۇش ئىشلىگىلى ماڭغان چاغدا باشقىلارنىڭ مېنى كۆرۈپ قېلىشىنى خالىمايتتىم، بەزى چاغلاردا بىر نەچچە يۇرتداشلىرىم ۋە ياخشى ساۋاقداشلار بىلەن ھەمسۆھبەتتە بۇلاتتىم، بۇنداق قىلىش ئارقىلىق مەن بىر قىسىم ساۋاقداشلارنىڭ مېنى خورلىشىدىن ۋە غۇرۇرۇمنى دەپسەندە قىلىشىدىن قۇتۇلۇپ قالاتتىم.
ئالىي مەكتەپتە نۇرغۇنلىغان بالىلار يۈرەكلىك ھالدا ئۆزى ياخشى كۆرگەن قىزنى قوغلىشىدۇ، نۇرغۇن ئوغۇل بالىلار مۇھەببەتلىشىدۇ، مەن مانا شۇنداق مۇھىت ئاستىدا،ئۇنىڭ ئۈستىگە بىر قىسىم ئوت قۇيرۇقلۇق بالىلارنىڭ قۇترىتىشى ئارقىسىدا، يۈرەكلىك ھالدا بىر پارچە خەت يازدىم ۋە ئۇنى مەن ئۇزۇندىن بېرى ياخشى كۆرۈپ يۈرگەن قىزغا بەردىم. مېنىڭ تۇرقۇمنىڭ ياخشى بولمىغىنى، ئۇنىڭ ئۈستىگە پۇل يوق بولۇش ۋە ئىچ مىجەز، ياۋاش بولغانلىق سەۋەبلىك ئۇ قىز مېنىڭ خېتىمنى نۇرغۇن ئادەملەرنىڭ ئالدىدىلا پارچە-پارچە قىلىپ يۈزۈمگە ئاتتى. مەن بۇ چاغدا ناھايىتى ئازابلانغان بولساممۇ، مەن زادى كىمدىن ئاغرىنىمەن، شۇنىڭ بىلەن مەن ئاخىرى مېنىڭ شارائىتىم ئۇنىڭ ئەھۋالىغا ماس كەلمەيدۇ دەپ ئويلىدىم ۋە بۇ ئارقىلىق ئۆزۈمگە تەسەللى بەردىم. مەن ئاتا-ئانامغا ھەر دائىم 《ھەممە ئىش ماڭغان ئايان، مەن مۇھەببەتلەشمەيمەن، ئالىي مەكتەپتە ئوقۇش ئەڭ مۇھىم》 دەيتتىم.
ۋاقىت ناھايىتى تىز ئۆتۈپ كەتتى، ئاخىرى ئوقۇش پۈتتۈرىدىغان چاغمۇ كېلىپ قالدى. پەقەت بىر مەۋسۇمدىن كېيىنلا ئوقۇش پۈتتۈرىمەن. ھالا مۇشۇ كۈندىمۇ مەن ئۆيگە قايتمىدىم، ھەمدە يەنىلا كۈنمىڭدە تۇرۇپ قۇرۇلۇش ئىشلىدىم. بۇ چاغدا بىر قىسىم ساۋاقداشلار مەكتەپكە بالدۇر كەلدى، مەن بۇلارنى كۆرۈپ ناھايىتى خۇشال بولۇپ كەتتىم، چۈنكى بىر قىشلىق تەتىل يالغۇز ئۆتكەندىنمۇ، جاپادىن قىلچە قورقمىساممۇ، لېكىن يالغۇزلۇقتىن قورقاتتىم. مەن ساۋاقداشلارنىڭ ناھايىتى قىزغىنلىق بىلەن قەرىت ئوينىغىنىنى كۆرگەندە ناھايىتى ھەۋەس قىلاتتىم، ئۇلار ئادەم ۋە ۋاقىتنى دەپ مېنى قارت ئويناشقا تەكلىپ قىلدى، مەن بۇ تەكلىپنى ناھايىتى خۇشاللىق بىلەن قوبۇل قىلدىم. ئەمەلىيەتتە مەن يۇرتتا ئاندا-ساندا ئويناپ قۇياتتىم، ئەمما قىزىق يېرى شۇكى مەن ئۇلارغا قارىغاندا ئەقىللىق بولغاچقىمۇ دائىم ئۇلارنى يېڭىۋالاتتىم، بىر قىسىم ساۋاقداشلار مېنىڭ يەڭگىنىمدىن گۇمان قىلىپ، ئۇتقۇنىمىنى بىكار قىلاتتى، ئەمما مەن ئۇلارغا قىلچىمۇ جاۋاب قايتۇرمايتتىم، كىم بىلسۇن ئۇ ئۈچ كىشىنىڭ ئىچىدە باشتىن ئاخىرى بىرسى ماڭا ئوخشاش قارايتتى، مېنى مازاق قىلمايتتى. دەرۋەقە شۇ كۈنى ئۇ پاسكىنا سۆزلەر بىلەن مېنى ھاقارەتلىدى، كىشىلىك غۇرۇرۇمنى دەپسەندە قىلدى. نەتىجىدە بۇ ئىشلار مېنىڭ ئىلگىرىكى يارامنى ئېچىپ تاشلىدى، ئۇنىڭ ئۈستىگە ھېلىقى قىزنىڭ خەتنى يىرتىپ تاشلىغان ئىشلارنى تىلغا ئېلىش............قانداق قىيىنچىلىق، قانداق جاپا مۇشەققەت بولسا مەن چىداپ كېتەتتىم، باشقا كىشىلەر مېنى مازاق قىلدى مەن چىدىدىم، ئەمما بىر نەچچە بىر ئاز ياخشى مۇئامىلە قىلىدىغان كىشىلەرمۇ شەپقەتسىزلەرچە ماڭغان ھاقارەت سۆزىنى ياغدۇردى.
ئەسلىدە بۇنداق ئۇزاق مەزگىلدىن بېرى بولۇپ كېلىۋاتقان خورلۇق، شەپقەتسىزلەرچە مازاق قىلىش ..........مەن ناھايىتى ئازابلاندىم، مېنىڭ يېشىم ئاستا-ئاستا سىرغىپ چۈشۈشىگە باشلىدى. مەن ناھايىتى قەيسەر، ئىرادىلىك، مەن ئەزەلدىن قىيىنچىلىق تۈپەيلى يېڭىلىپ باقمىغان، ھەتتا بۇرۇن مېنىڭ غۇرۇرۇمنى دەپسەندە قىلغان قىلمىشلار، شەپقەتسىزلەرچە مازاق قىلىشلار، مېنىڭ يۈرىكىم يېرىلىپ كېتەي دېدى، بولۇپمۇ مەن ئەڭ ياخشى ئارىلىشىدىغان ياخشى بىلىدىغان ساۋاقداشلىرىمۇ مېنى مازاق قىلدى. مەن بۇنداق مۇھىتقا بەك تويدۇم، بەك زېرىكتىم، ئۇلار مېنى خورلىدى، ماڭا چىقىش يولى بەرمىدى، ھەمدە ئارقا قايتىشقىمۇ پەقەت يول قالدۇرمىدى.
ئۇلار مېنى ھاقارەتلىگەندىن كېيىن ناھايىتى خۇشال بولۇشۇپ كېتىدۇ. ئۇلارنىڭ تۇرمۇش شارائىتى مېنىڭكىدىن كۆپ ياخشى، ئۇلار ھەتتا پۇل خەجلەپ قىزلارنى ئوينايدۇ، مېنىڭ ئازابلانغان قەلبىمنى قۇيىدىغان جايىممۇ يوق! مېنىڭ ئارقامغا قايتىش يولۇم يوق، مەن ئاخىرى ھەممىنى ئاخىرلاشتۇرۇشنى قارار قىلدىم، ھەمدە ئۇلاردەك شەپقەتسىز كىشىلەردىن نامراتلارنىڭ ئۆز ئابرۇينى قوغداش ئۈچۈن قانداق قىلىدىغانلىقىنى تونۇتۇپ قويغۇم كەلدى.
مەن ئەسلىدە بۇ خىل ھاقارەتلەرگە كۆنگەن، ئەمما بۇ قېتىم ھەقىقەتەن ئۇلار ماڭغان قىلغان ھاقارىتى ناھايىتى ئېغىر كەلدى، ئەڭ ئاخىرى مەن ئاخىرقى قارارىمنى تەستىقلىدىم دە بازاردىن بىر پالتا سېتىۋالدىم، ھەمدە ئۇ بىر قانچە كىشىلەرنىڭ جېنىنى ئالدىم، ۋە قېچىپ كېتىپ ھاقارەت قىلىنمايدىغان يەرگە بارماقچىمۇ بولدۇم لېكىن مەن ئۆلۈم جازاسى يولىنى تاللىدىم.
قەدىرلىك ئوقۇرمەنلەر، بۇنى ئوقۇپ بولغاندىن كېيىن باشقا ساۋاقداشلارغىمۇ ئەۋەتىڭلار، بىز ئۆزىمىزنىڭ توردىكى پىكرى ئارقىلىق جەمئىيەتكە مۇراجىئەت قىلايلى، مەيلى باي بولسۇن ياكى كەمبەغەل بولسىمۇ ئۇلار دېگەن ئادەم. ھەممە ئادەم باپباراۋەر!

                                                                                 مەنبە: نۇر تورىدىن ئېلىندى.


كۆرۈلۈشى: 1457 \ يوللانغان چېسلا: 2012-06-09
ئىنكاس يوللاش
ئىسم:
ئېلخەت:
ئىنكاس:
توغرىلاش كودى: